სამცხე-ჯავახეთში მასშტაბური ინფრასტრუქტურული პროექტები განხორციელდება

რეგიონული განვითარების მესამე პროექტის ფარგლებში სამცხე - ჯავახეთში ახალი ინფრასტრუქტურული პროექტების განხორციელება იგეგმება. ამ საკითხთან დაკავშირებით საქართველოს მუნიციპალური განვითარების ფონდის აღმასრულებელმა დირქტორმა გიორგი ამაშუკელმა და მისმა მოადგილემ ილია დარჩაშვილმა, მსოფლიო ბანკის წარმომდაგენლებთან ერთად ახალციხეში ადგილობრივ ხელისუფლებასთან და გუბერნატორთან შევხედრები გამრთეს. შხვედრაზე ის სავარაუდო პროექტები განიხილეს, რომლის განხორციელებაც მსოფლიო ბანკის დაფინანსებით იგეგმება.

რეგიონული განვითარების მესამე პროექტის სავარაუდო ღირებულება 75 მილიონი აშშ.დოლარია. პროექტს 60 მილიონით მსოფლიო ბანკი დააფინანსებს, ხოლო სახელმწიფო ბიუჯეტიდან 15 მილიონი გამოიყოფა. სამუშაოები 2015 წელს დაიწყება და 2020-წელს დასრულდება.

აღნიშნული პროექტი საქართველოს ორ რეგიონში განხორციელდება, რომელიც მცხეთა-მთიანეთისა და სამცხე-ჯავახეთის მასშტაბით ურბანული, კომუნალური და ტურისტული ინფრასტრუქტურის რეაბილიტაციას, კულტურული მემკვიდრეობისა და ისტორიული ძეგლების პოპულარიზაციას, ამასთან კერძო სექტორის ხელშეწყობას ითვალისწინებს. ეს ხელს შეუწყობს ადგილობრივი მოსახლეობის დასაქმებას, მათი სოციალური და ეკონომიური პირობების გაუმჯობესებასა და ტურისტების რაოდენობის ზრდას.

სამუშაო შეხვედრაზე ადგილობრივი ხელისუფლების წარმომადგენლებთან წინასწარ შერჩეული სავარაუდო ქვეპროექტების განხილეს.

პროექტის ფარგლებში, ადგილობრივი არქიტექტურის გათვალისიწნებით, დაგეგმილია ურბანული აღდგენა, რაც ცენტრალურ უბნებში მუნიციპალური ინფრასტრუქტურისა და კომუნალური მომსახურეობის რეაბილიტაციას, საზოგადოებრივი სივრცეებისა და კულტურული მემკვიდრეობის შენობების კონსერვაციასა და გაუმჯობესებას, ასევე შენობებისა და ფასადებიის კონსერვაციას მოიცავს. გარდა ამისა, დაგეგმილია ტურისტული მარშრუტების განვითარება, რომელიც ურბანული ლანდშაფტის და საზოგადოებრივი ავტოსადგომების განვითარებას, საინფორმაციო ჯიხურების, კაფეების და საზოგადოებრივი საპირფარეშოების მშენებლობა.

ამავე პროექტის ფარგლებში დაგეგმილია ინფრასტრუქტურის მოწყობა კერძო სექტორის დაინტერესების მიზნით. კერძო სექტორის წარმომადგენლებს, რომლებიც გამოხატავენ ინტერესს ინვესტიცია ჩადონ მცხეთა-მთიანეთისა და სამცხე-ჯავახეთის რეგიონების მასშტაბით ტურიზმისა და კვების მრეწველობის ობიექტების აშენების მიზნით, მუნიციპალური განვითარების ფონდი იდეების განხორციელებაში დახმარებას გაუწევს.

მუნიციპალური განვითარების ფონდში განმარტავენ, რომ ადგილობრივ ხელუსიფლებასთან სამუშაო შეხვედრები გაგრძელდება, სადაც საბოლოო პროექტებზე შეჯერდებიან. ამის შემდეგ ცნობლი გახდება იმ ობიექტების ნუსხა, რომლის რეაბილიტაციაც რეგიონული განვითარების მესამე პროექტის ფარგლებში მცხეთა- მთიანეთსა და სამცხე -ჯავახეთში განხორციელდება.

[sknews.ge]