ასპინძის სარაგბო ბაზაზე შშმ ახალგაზრდებისთვის ბანაკი მოეწყობა

ბანაკს კავშირი „რეა“ საქართველოს სპორტისა და ახალგაზრდობის საქმეთა სამინისტროს მხარდაჭერით აწყობს. 4 დღის განმავლობაში ბანაკში 50-მდე შშმ ახალგაზრდა დაისვენებს. მათთვის გაიმართება სხვადასხვა სპორტული აქტივობა და კულტურულ-შემოქმედებითი პროგრამა.

12 სექტემბერს ფესტივალის მონაწილეები, სხვადასხვა ცენტრების ახალგაზრდები,ასპინძაში ჩავლენ და ფოტოებისა და ხელნაკეთი ნივთების გამოფენისთვის დაიწყებენ მზადებას. დღის ბოლოს მოეწყობა მხიარული სტარტები და სპორტული თამაშები შერეული გუნდების მონაწილეობით.

13 სექტემბერს ფესტივალის შემოქმედებითი ნაწილი დაიწყება: სხვადასხვა ვოკალური და საცეკვაო ფოლკლორული გუნდებისა და ანსამბლების გამოსვლა შშმ მოზარდების და ახალგაზრდების მონაწილეობით;

ასევე, გაიხსნება სოციალური ფილმების პროგრამა. ნაჩვენები იქნება: "ინტეგრაცია" - რეჟ. ანნა მიკოლაიჩუკ-კლებეკი; „დიმა“ – რეჟ. სალომე მაჩაიძე და ორი ანიმაციური ფილმი, შექმნილი შშმ ახალგაზრდების მონაწილეობით. საღამოს მოეწყობა დისკუსია თემაზე: „შემოქმედება შშმ პირების ცხოვრებაში“.

14 სექტემბერს ახალგაზრდებისთვის ექსკურსია მოეწყობა. ამავე დღეს დაგეგმილია კინოჩვენებები მცირე დარბაზში. აჩვენებენ ფილმებს: „მშობლები“ – რეჟ. ანუნა ბუკია, „მაქსიმის დედა“ – რეჟ. ანდრეი ლოშაკი, „ზღვარზე ვარ“ – რეჟ. ნინო შონია, „ანტონი აქვეა“ – რეჟ. ლიუბოვ არკუსი. საღამო კვლავ დისკუსიით დასრულდება. ამავე დღეს დაიხურება ფესტივალიც.

ახალგაზრდები თავიანთ ცენტრებში 15 სექტემბერს გაემგზავრებიან.

[sknews.ge]