ვინ იმღერებს ‘ახალგაზრდობის საერთაშორისო დღის’ გალა კონცერტზე

"ახალგაზრდობის საერთაშორისო დღისადმი" მიძღვნილი ღონისძიებები, ახალციხის ხელოვნური ტბის მიმდებარე ტერიტორიაზე გაიმართება.

გალა კონცერტი 21:00 საათზე დაიწყება და 22:30 საათამდე გაგრძელდება.

კონცერტზე გელა გნოლიძე და ბაბი კირკიტაძე იმღერებენ. მათ მაყურებელი „ღამის შოუდან“ იცნობს. ისინი ჯგუფ Yellow-სთან ერთად მღერიან.

კონცერტის შემდეგ, საღამოს მოწვეული დიჯეი გააგრძელებს. DJ BATA საკუთარი მუსიკალური პროგრამით წარსდგება.

ღონისძიებების დასასრულს ფოიერვერკი მოეწყობა.

დღის პროგრამა ასეთია:

15:00-18:00 საათი - სპორტული შეჯიბრებები (ნარდი, მკლავჭიდი, ჭიდაობა) და გამარჯვებულების დაჯილდოება;

18:00-19:00 საათი - მისალმება, დღის პროგრამის გაცნობა, მცირე პრეზენტაცია ადგილობრივი ახალგაზრდული საქმიანობის შესახებ;

18:00 საათიდან - მუნიციპალიტეტში მცხოვრები ნიჭიერი ახალგაზრდების ნამუშევრების გამოფენები, ფოტო ჯიხური, მკითხველთა კუთხე, სახეზე მოხატვა;

19:00-20:00 საათი - კონცერტი ახალგაზრდების მონაწილეობით;

20:00-20:45 საათი - ფერების ფესტივალი;

21:00-22:30 საათი - გალა კონცერტი;

22:30 საათიდან - დიჯეის მუსიკალური პროგრამა.

[მარიამ ბარძიმაძე, ახალციხე]