ნინოწმინდაში გზების რეაბილიტაცია მიმდინარეობს

უკვე დასრულდა სოფელ ხანჩალის რაიონულ ცენტრთან დამაკავშირებელი გზის მშენებლობა. გარდა ამისა, ამ დროისთვის სამუშაოების 45% შესრულებულია მაშტოცის ქუჩაზე.

ნინოწმიდის მუნიციპალიტეტში საგზაო ინფრასტრუქტურული პროექტები - აღმაშენებლის ქუჩის ტროტუარების კეთილმოწყობა, მაშტოცის ქუჩის მოასფალტება, ასევე, მუნიციპალური მნიშვნელობის - ქ. ნინოწმინდა–ხანჩალის გზის მოასფალტების სამუშაოები რეგიონებში განსახორციელებელი პროექტების ფონდიდან 1 390 500 ლარით დაფინანსდა.

გარდა ამისა, წლის ბოლომდე დასრულდება შიდა გზების რეაბილიტაცია სოფლებში სათხა, სპასოვკა, ხანჩალი, არაგვა, მამწვარა, გონდრიო და ყულალისი, რითაც მიმდებარე სოფლებში მცხოვრები 8220 მოსახლე ისარგებლებს.

მაშტოცის ქუჩის მოასფალტების პროცესს დღეს მხარის გუბერნატორი აკაკი მაჭუტაძე, სამშენებლო კომპანიის წარმომადგენლებთან ერთად, ადგილზე გაეცნო.

[sknews.ge]