ახალციხის ცენტრში, ყოფილი ბაზრის ადგილზე ისევ ბაზარს ხსნიან

როგორც ტერიტორიის მეპატრონეები აცხადებენ, ძველი ბაზრის ტერიტორიაზე ახალი თანამედროვე სტანდარტების სასურსათო ბაზარი 3 თვეში გაიხსნება.

ბაზარს „მესხური ნობათი“ ერქმევა. როგორც შპს „მესხური ნობათის“ დირექტორი ოლეგი პეტაშვილი ამბობს, ბაზარი თანამედროვე სტანდარტების იქნება და ექნება პარკინგიც.

„პირველ ეტაპზე ძველი შენობების დემონტაჟი დავიწყეთ. ამ ადგილზე პარკინგი გაკეთდება. ბაზარი დახურული იქნება, ცალკე მოეწყობა ხორცის და რძის პროდუქტების განყოფილება, ყველაფერი სტანდარტების დაცვით გაკეთდება“, – ამბობს ოლეგი პეტაშვილი და ამატებს, რომ შპს „ალფა მარკეტი“ მოსახლოებისთვის მოსახერხებელი არ არის და ამიტომ გახდა საჭირო ძველი ბაზარის ამოქმედება.

შეგახსენებთ, რომ ახალციხის აგრარული ბაზარი კოსტავას ქუჩიდან თამარაშვილის ქუჩაზე სამი წლის წინ გადავიდა.



[მანანა სარაშვილი, ახალციხე]