ახალციხის ბაზარი არ გაიხსნება – ბესიკ ამირანაშვილი

ამირანაშვილმა აღნიშნა, რომ ბაზარი აღდგომასაც დაკეტილი იქნება.

„ამ დროისათვის მოგეხსენებათ, რომ შევდივართ პიკში, მატებაა შემთვევების. მიგვაჩნია რომ ეს შეიძლება გახდეს დამატებითი საფრთხის შემცველი, ამიტომ თავს ვიკავებთ. ახალციხეს არ აქვს პრობლემა სასურსათო მაღაზიების, ასევე თვითონ ბაზარში ფუნქციონირებს დიდი სუპერმარკეტები, ბაზრის გარშემო მაღაზიები ღიაა და დისტანციით რიგების რეგულირებით შესაძლებელია რომ ჩვენმა მომხმარებელმა პროდუქცია შეიძინოს. ამ ეტაპზე ბაზრის გახსნა არის რისკის შემცველი“,- ამბობს ამირანაშვილი.

როდის გაიხსნება ახალციხის ბაზარი ამ ეტაპზე არ იციან.

30 მარტიდან ახალციხის ბაზარი ნაწილობრივ მუშაობს, აკრძალულია გარევაჭრობა, დაკეტილია სექციები, ბაზრის ტერიტორიაზე პროდუქტების ყიდვა მხოლოდ რამდენიმე მაღაზიაშია შესაძლებელი.

ბაზრის ადმინისტრაცია 29 მარტს, ტერიტორიაზე ხალხმრავლობისთვის, 15 000 ლარით დაჯარიმდა. მას შემდეგ დაწესდა შეზღუდვებიც.

[მარიამ ბარძიმაძე,ახალციხე]