„მესხური ფესტივალი“ მარათონით დაიწყო

მარათონის მონაწილეებმა სტარტი ახალციხის ადგილობრივი ტელეკომპანია „მე–9 არხის“ მიმდებარე ტერიტორიიდან აიღეს. მარათონი ახალციხის ციხეში დასრულდა.

გამარჯვებულები მხოლოდ მძლეოსნებში გამოვლინდნენ. მძლეოსნობის ფედერაციის წარმომადგენლების გარდა, გარბენში მოყვარულებიც მონაწილეობდნენ.

პირველი ადგილი ექვსმა მონაწილემ მოიპოვა, მათ შორის, ორმა მოყვარულმა:რუბიკ მინასიანმა, თინათინ პაპუაშვილმა, მართა ჯვარიძემ, გიორგი გიორგაძემ, ზურა ჩადუნელმა და ნინო კვახაჯელიძემ. გამარჯვებულებს დღის ბილოს სერთიფიკატები და სიმბოლური საჩუქრები გადაეცემათ.

„მესხური ფესტივალი“ ახალციხის ციხის ტერიტორიაზე სხვადასხვა ღონისძიებებით გაგრძელდება. ფესტივალის ორგანიზატორი ადგილობრივი ტელეკომპანია „მე–9 არხია“.







[sknews.ge]