ახალციხის მუნიციპალიტეტის საკრებულოს 13 დეპუტატი სახელფასო დანამატს არ აიღებს

ეს ის დეპუტატები არიან, რომელთაც საკრებულოში სხვადასხვა პოსტები უკავიათ, – არიან ფრაქციების ან კომისიების თავმჯდომარეები. 13 დეპუტატი, თავისივე სურვილით, საკრებულოს წევრობის უფლებამოსილების განსახორციელებასთან დაკავშირებულ ხარჯების ანაზღაურებას, 375 ლარს არ მიიღებს. დანარჩენი დეპუტატები ამ თანხას ჩვეულებრივად მიიღებენ.

დეპუტატებმა ეს გადაწყვეტილება ბიუჯეტის სიმწირის გამო მიიღეს.

აღნიშნული საკითხი დღეს, 8 აგვისტოს, ახალციხის მუნიციპალიტეტის საკრებულოს რიგით მე-4 სხდომაზე დამტკიცდა. სხდომას 30 დეპუტატიდან 7 არ ესწრებოდა.

საკრებულოს დღევანდელ სხდომაზე 10 საკითხი განიხილეს და ყველა საკითხი დაამტკიცეს.

[sknews.ge]