ახალციხეში ეროვნული სატყეო პოლიტიკის დოკუმენტი განიხილეს

რეგიონული სემინარი თემაზე „ეროვნული სატყეო პოლიტიკა-პრობლემატიკა, პრინციპები, მიმდინარე პროცესები და გეგმები“, რომელსაც სამხარეო ადმინისტრაციისა და მხარის მუნიციპალიტეტების ხელმძღვანელი პირები, ასევე აღნიშნული საკითხებით დაინტერესებული არასამთავრობო სექტორი ესწრებოდა, კავკასიის გარემოსდაცვითი არასამთავრობო ორგანიზაციების ქსელის, (CENN) საქართველოს გარემოსა და ბუნებრივი რესურსების დაცვის სამინისტროსა და ეროვნული სატყეო სააგენტოს ერთობლივი ინიციატივით ჩატარდა.

სემინარზე საქართველოს პარლამენტის მიერ დამტკიცებული ეროვნული სატყეო პოლიტიკის დოკუმენტი განიხილეს, რომელიც ტყეების მიმართ სახელმწიფოს დამოკიდებულებას განსაზღვრავს, მათი ძირითადი ფუნქციონალური დანიშნულებისა და ფასეულობების გათვალისწინებით.

პოლიტიკის დოკუმენტის გარდა სემინარზე წარმოდგენილი იყო მოსახლეობის შეშით უზრუნველყოფის საკითხები, როგორც 2014-2015 წლების ზამთრის სეზონისათვის, ასევე გრძელვადიან ჭრილში.



[sknews.ge]