ახალქალაქში 8 თვის ბავშვი და მისი ბებია მოკლეს

შსს–ს ინფორმაციით, საქმეს შსს სამცხე–ჯავახეთის სამხარეო მთავარი სამმართველო სისხლის სამართლის კოდექსის 109–ე მუხლით იძიებს, რაც გულისხმობს, განზრახ მკვლელობას დამამძიმებელ გარემოებებში.

როგორც „სამხრეთის კარიბჭეს“ ადგილობრივებმა განუცხადეს, მკვლელობა სავარაუდოდ ეჭვიანობის ნიადაგზე მოხდა. ახალგაზრდა მამაკაცი, გოგონას, რომელიც სხვაზე გათხოვდა, შურისძიებით ემუქრებოდა. მათივე განცხადებით, იგი გოგონას სახლში ადრეც მიუვარდა.

გარდაცვლილი ჩვილი და მისი დედა ახალქალაქში ცხოვრობდნენ, გუშინ კი სტუმრად გოგაშენში, დედასთან იმყოფებოდნენ. მკვლელობა სწორედ მაშინ მოხდა.

[sknews.ge]