ახალქალაქში შუახნის მამაკაცი მოკლეს

ადგილობრივების თქმით, მკვლელობა გუშინ, 26 ივლისს დღისით მოხდა. გარდაცვლილი ა.ს. გზაზე ამავე სოფელში მაცხოვრებლებმა ნახეს. მათივე განცხადებით, შუახნის მამაკაცი ცეცხლსასროლი იარაღით ჩაცხრილეს.

გარდაცვლილი სოფელ ხანდოს მკვიდრია. იგი, როგორც ადგილობრივები გვიხსნიან, ორჯას გავლით, სწორედ თავის სოფელში, სახლში მიდიოდა.
რა გახდა მკვლელობის მიზეზი, უცნობია.

"რუსეთში დადიოდა სამუშაოდ, ამბობენ, რომ იქ ჰქონდა პრობლემები", – აცხადებენ ადგილობრივები პირად საუბრებში.

მომხდარზე ძიება სისხლის სამართლის კოდექსის 108–ე მუხლით მიმდინარეობს, რაც განზრახ მკვლელობას გულისხმობს და ისჯება თავისუფლების აღკვეთით შვიდიდან 15 წლამდე.

[თამუნა უჩიძე ახალციხე]