სოფელ ნაოხრებში 80 წლამდე ასაკის ქალი მოკლეს

შემთხვევა 9 თებერვალს მოხდა. როგორც გარდაცვლილის მეზობლებმა "სამხრეთის კარიბჭეს" განუცხადეს, ანნა ბაბოიანი მძარცველებმა საკუთარ სახლში მოკლეს. მისი საცხოვრებელი ბინიდან კი ძვირფასეულობა და დაახლოებით 2,000 ლარის ოდენობის თანხა წაიღეს.

ფაქტზე ძიება ახალციხის რაიონულმა სამმართველომ სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში მკვლელობას გულისხმობს.

როგორც შსს-ს პრესამსახურში „სამხრეთს კარიბჭეს“ განუმარტეს, საქმე უკვე გახსნილია, ამოღებულია ნივთმტკიცებები და ფულადი თანხაც.

„გუშინ, 17 თებერვალს სამი მოქალაქე ერთდროულად დააკავეს. მათ შორის ერთი ქალია და ორი მამაკაცი“, - განმარტავენ შსს-ს პრესსამსახურში.

[თამუნა უჩიძე, ახალციხე]