სამცხე–ჯავახეთში ადგილობრივი დემოკრატიის განვითარების საქმეში მოქალაქეთა როლზე იმჯელებენ

დისკუსია ახალციხეში, ადმინისტრაციულ შენობაში, ევროკავშირის პროექტის ფარგლებში მოეწყობა, საქართველოს ადგილობრივი თვითმართველობის ეროვნული ასოციაციის (NALA) ინიცირებითა და LDA-georgia-ს (ადგილობრივი დემოკრატიის სააგენტო - საქართველოს) და ALDA (ადგილობრივი დემოკრატიის სააგენტოების ასოციაცია) მხარდაჭერით.

როგორც ორგანიზატორები განმარტავენ, შეხვედრაზე, რომელიც სამცხე-ჯავახეთის რეგიონში არსებულ ვითარებას ეძღვნება, განიხილება სამოქალაქო საზოგადოების როლი ადგილობრივი დემოკრატიის განვითარების საქმეში; მოქალაქეთა მონაწილეობის ეფექტური მექანიზმები; ადგილობრივი დემოკრატიის ევროპული მოდელები, საქართველოში სამოქალაქო სექტორის განვითარების ისტორია; ადგილობრივი თვითმმართველობის საქმიანობაში მოქალაქეთა ჩართულობის მხრივ, სამცხე-ჯავახეთში დღეისთვის არსებული პრობლემები და წარმატებები და სხვა მნიშვნელოვანი თემები.

დისკუსიას რეგიონის ყველა დონის ხელისუფლების წარმომადგენლები, ადგილობრივი არასამთავრობო სექტორი და ადგილობრივი მედია დაესწრება.

[ნინო ნარიმანიშვილი, ახალციხე]