მე–12 აგარის უბანზე 1 შენიშვნა და 1 საჩივარი დაიწერა

აგარის 12–ე საარჩევნო უბანზე ერთიან სიაში 1405 ამომრჩეველია რეგისტრირებული. ბიულეტენების რაოდენობა კი ამ უბანზე 1350 იყო. რაც საქართველოს ახალგზარდა იურისტთა ასოციაციის წარმომადგენელმა გააპროტესტა და ჩანაწერთა წიგნში დააფიქსირა.

ამ უბანზე დაიწერა ერთი საჩივარიც, რომელიც "ერთიანი ნაციონალური მოძრაობის" წარმომადგენელს ზეინაბ ხაჩიძეს ეკუთვნის. როგორც საჩივარში წერია, მას უბანზე ყოფნის საშუალება არ მისცეს: "ჩვენი წარმომადგენელი გადასატან ყუთს გაჰყვა. იმ დროს უბანზე ჩვენგან არავინ არ იყო, მაგრამ მაინც არ დამიშვეს".

ამავე უბანზე გადასატანი ყუთის სიაში რეგისტრირებული 41 ამომრჩევლიდან 2–მა ხმა ვერ მისცა. ერთ–ერთ მათგანს პირადობა არ აღმოაჩნდა, მეორე კი ადგილზე არ იმყოფებოდა.

17:00 საათის მონაცემებით ამ უბანზე საკუთარი არჩევანი 600–მა ადამიანმა დააფიქსირა. საარჩევნო უბანზე ამბობენ, რომ აქტივობა დაბალია.

[sknews.ge]