დებატები ახალციხის მერობის კანდიდატებთან

დებატებში მონაწილეობის მისაღებად ახალციხის მერობის 5–ვე კანდიდატია მიწვეული.

შეხვედრას დაესწრებიან ადგილობრივი და საერთაშორისო არასამთავრობო სექტორის, საგანმანათლებლო სფერო ა და მედიის წარმომადგენლები და ახალციხეში მცხოვრები მოქალაქეები.

შეხვედრაზე მერობის კანდიდატები ამომრჩევლებს წარუდგენენ თავიანთ პროგრამებს, უპასუხებენ მოქალაქეების შეკითხვებს და ჩაერთვებიან ინტერაქტიულ დისკუსიაში.

დებატებზე დასწრება და მერობის კანდიდატებისთვის სასურველი კითხვების დასმა ნებისმიერ მსურველს შეუძლია.
შეხვედრა იმართება პროექტის „აირჩიე ქალაქის მერი“ ფარგლებში, რომელსაც "ჟურნალისტთა ქსელი გენდერული თანასწორობისთვის" USAID-ის და IFES-ის მხარდაჭერით ახორციელებს.

პროექტის მიზანია, 2014 წლის ადგილობრივი თვითმმართველობის არჩევნების დემოკრატიულობის ხარისხის გაუმჯობესება არჩევნებში ინფორმირებული და გათვითცნობიერებული ამომრჩეველის მონაწილეობით.

[ნინო ნარიმანიშვილი, ახალციხე]