ქალის ხმა არჩევნებში!“ — საინფორმაციო შეხვედრები ახალციხეში

"ქალის ხმა არჩევნებში!“ – ასე ქვია პროექტს, რომლის მიზანია ქალთა პოლიტიკური მონაწილეობის მნიშვნელობის შესახებ არჩევნებში ჩართული ყველა მხარის ცნობიერების ამაღლებით, ხელი შეეწყოს 2017 წლის ოქტომბრის ადგილობრივი თვითმმართველობის არჩევნებში ქალი კანდიდატების და ამომრჩევლების მონაწილეობის ზრდას.

პროექტის ძირითადი მიზანი ამომრჩეველი ქალების საჭირობების გამოვლენა და გამოვლენილი საჭიროებების - პოლიტიკური პარტიებისა და კანდიდატებისთვის გაცნობაა.

პროექტი განხორციელდება საქართველოს 9 რეგიონის 12 ქალაქში: თელავი, რუსთავი, მცხეთა, მარნეული, გარდაბანი, ბოლნისი, გორი, ქუთაისი, ოზურგეთი, ფოთი, ბათუმი და ახალციხე.

პროექტის ფარგლებში დაგეგმილია ფართომასშტაბიანი საინფორმაციო კამპანია: ჭადრაკის მსოფლიო ჩემპიონატზე, მუსიკალურ ფესტივალებზე, კონცერტებზე.

გარდა ამისა, 12–ვე ქალაქის ბაზრებში გაიმართება საინფორმაციო აქციები, სადაც მოსახლეობას დაურიგდება საინფორმაციო მასალა თუ რა მნიშვნელობა აქვს არჩევნებში მონაწილეობას და ქალთა პოლიტიკაში ჩართულობას საზოგადოებისათვის.

როგორც ორგანიზატორები აცხადებენ, ასევე გაიმართება საინფორმაციო შეხვედრები შშმ პირებსა და კომპაქტურად მცხოვრებ დევნილებთან, რათა გამოვლინდეს ქალთა ამ ჯგუფების საჭიროებები.

დაგეგმილია პოლიტიკური სუბიექტების და ქალი კანდიდატების დებატები ქალთა პოლიტიკაში მონაწილეობაზე; ქალი ამომრჩეველის საჭიროებებზე და მათ საარჩევნო პროგრამებში ასახვაზე. ასევე, გენდერული საუბრები მოსახლეობის, კანდიდატების, პოლიტიკური პარტიების, ახალგაზრდების, არასამთავრობო, სამთავრობო და საერთაშორისო ორგანიზაციების, მედიის წარმომადგენლების მონაწილეობით ქალთა პოლიტიკური მონაწილოების მნიშვნელობის და ქალი ამომრჩევლების საჭიროებებზე.

პროექტის ფარგლებში გამოქვეყნდება არჩევნებში ქალთა მიმართ დისკრიმინაციის და დისკრიმინაციული ენის გამოყენების დაუშვებლობაზე მანიფესტი.

პროექტის „დაუჭირე მხარი ქალთა პოლიტიკაში ჩართულობას!“ პირველი ეტაპი - სამუშაო შეხვედრები პოლიტიკური პარტიებისა და არასამთავრობო ორგანიზაციების წარმომადგენლებთან „ჟურნალისტთა ქსელი გენდერული თანასწორობისათვის“ გენდერის მედიაცენტრებმა უკვე ჩაატარეს. ასეთი შეხვედრები შედგა ახალიცხეშიც.

პროექტს პროექტი ხორციელდება აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ფარგლებში. ამერიკის შეერთებული შტატების საერთაშორისო განვითარების სააგენტოს (USAID) დაფინანსებით.







[ნინო ნარიმანიშვილი, ახალციხე]