დებატები ახალციხე–ადიგენის ოლქის მაჟორიტარობის კანდიდატებთან

კანდიდატებთან შეხვედრა დემოკრატიული ჩართულობის ცენტრის ინიციატივით იმართება.

შეხვედრაზე მაჟორიტარობის ხუთივე კანდიდატი იქნება: გიორგი კოპაძე, „ქართული ოცნებიდან“, ვაჟა ჩიტაშვილი – „ერთიანი ნაციონალური მოძრაობიდან“, გოდერძი კუბლაშვილი – „პატრიოტთა ალიანსიდან“, ბესიკ ხითარიშვილი – "გაერთიანებული დემოკრატიული მოძრაობიდან" და დამოუკიდებელი კანდიდატი ნუგზარ პარუნაშვილი.

დებატებს მედიისა და სამოქალაქო საზოგადოების წარმომადგენლები დაესწრებიან.

როგორც ცენტრში განმარტავენ, მაჟორიტარობის კანდიდატები დამსწრეებს თავიანთ პროგრამებს გააცნობენ. პრეზენტაციების შემდეგ კი შეხვედრა კითხვა – პასუხის რეჟიმში გაგრძელდება.

შეხვედრა ახალციხის დემოკრატიული ჩართულობის ცენტრში, 13:00 საათზე დაიწყება. ცენტრის მისამართია: ახალციხე, მანველიშვილის ქ. N19.

[sknews.ge]