ახალციხის პროფესიული სასწავლებელი კერძო სექტორთან ითანამშრომლებს

განათლების სამინისტროში აცხადებენ, რომ თანამშრომლობა ითვალისწინებს ზემოაღნიშნული სასწავლებლების საკაბელო სტენდებით უზრუნველყოფას, კომპანიის ID ბარათების გადაცემას სასწავლო დანიშნულებით, პროფესიული სტუდენტების გადამზადების, პროფესიული სტუდენტების სამომავლო დასაქმებისა და კვალიფიციური კადრების აღზრდის ხეშეწყობას.

მემორანდუმის მიხედვით, საქართველოს განათლებისა და მეცნიერების სამინისტრო ასევე უზრუნველყოფს სააქციო საზოგადოება „საქკაბელის“ ჩართულობას პროფესიული სტანდარტების გადახედვის/შემუშავების პროცესსა და პროფესიული ორიენტაციის კუთხით დაგეგმილ აქტივობებში, ხოლო კომპანია ითანამშრომლებს პროფესიულ სასწავლებლებთან და უზრუნველყოფს პროფესიული სტუდენტების შერჩევას და მათ პროფესიული გადამზადებას.

თანამშრომლობის მემორანდუმს ხელი მოაწერეს საქართველოს განათლებისა და მეცნიერების მინისტრის პირველმა მოადგილემ ქეთევან ნატრიაშვილმა, სააქციო საზოგადოება „საქკაბელის“ სამეთვალყურეო საბჭოს თავმჯდომარემ ედიშერ მამალაძემ და პროფესიული სასწავლებლების – „ოპიზარი“ , „მერმისი“ , „იბერია“ , „მოდუსი“, „ბლექსი“, „აისი“, „ლაკადა“, „სპექტრი“, „ფაზისი“, „პრესტიჟი“, „ახალი ტალღა“, „განთიადი“,, ასევე ბათუმის შოთა რუსთაველის სახელმწიფო უნივერსიტეტი, აკაკი წერეთლის სახელმწიფო უნივერსიტეტი, სსიპ საქართველოს ტექნიკური უნივერსიტეტი და გორის სასწავლო უნივერსიტეტის ხელმძღვანელებმა.



[ნინო ნარიმანიშვილი, ახალციხე]