სამცხე–ჯავახეთის უნივერსიტეტი მასწავლებლებსა და დირექტორებს გადაამზადებს

USAID საბაზისო განათლების პროგრამა ხელს შეუწყობს უნივერსიტეტების ჩართულობას ზოგადი განათლების სისტემაში. გაიზრდება მათი, როგორც მასწავლებელთა პროფესიული განვითარების ცენტრების, შესაძლებლობები საჯარო სკოლების მასწავლებლებისა და სკოლის დირექტორებისთვის მოსწავლეზე ორიენტირებული პროფესიული განვითარების აქტივობების პირისპირ და ონლაინ მიწოდების გზით.

USAID საბაზისო განათლების პროგრამა, საქართველოს მთავრობის პრიორიტეტების გათვალისწინებით, მიზნად ისახავს მდგრადი, ინკლუზიური და მოსწავლეზე ორიენტირებული საგანმანათლებლო რეფორმების განხორციელებას. პროგრამა გეგმავს თანამედროვე სასწავლო მეთოდების შემოღებას და ინტერაქტიული სასწავლო პროგრამების დანერგვას, რაც ხელს შეუწყობს მოსწავლეთა წიგნიერების, მათემატიკური აზროვნების, ამოცანის ამოხსნის და კრიტიკული აზროვნების უნარების განვითარებას. ამასთანავე სკოლებში დაინერგება ეთნიკური უმცირესობებისა და შეზღუდული შესაძლებლობის მქონე მოსწავლეთა საჭიროებების შესაბამისი სწავლების მეთოდები.

სამცხე-ჯავახეთის სახელმწიფო უნივერსიტეტთან ერთად პროგრამის პარტნიორი უნივერსიტეტები არიან:

ილიას სახელმწიფო უნივერსიტეტი Iliauni;
სოხუმის სახელმწიფო უნივერსიტეტი;
შოთა მესხიას ზუგდიდის სახელმწიფო სასწავლო უნივერსიტეტი;
ბათუმის შოთა რუსთაველის სახელმწიფო უნივერსიტეტი / B S U;
იაკობ გოგებაშვილის სახელობის თელავის სახელმწიფო უნივერსიტეტი;
აკაკი წერეთლის სახელმწიფო უნივერსიტეტი;
განათლების, მეცნიერების, კულტურისა და სპორტის სამინისტრო;

[sknews.ge]