პროფესიული განათლების მიღების მსურველთა რეგისტრაცია იწყება

როგორც საქართველოს განათლებისა და მეცნიერების სამინისტროში განმარტავენ, ყველა დაინტერესებულ პირს ეძლევა შესაძლებლობა სახელმწიფო დაფინანსებით დაეუფლოს მისთვის სასურველ პროფესიას ტურიზმის, მშენებლობის, სოფლის მეურნეობის, ინფორმაციული ტექნოლოგიების, მომსახურებისა და სხვა მიმართულებებით. საქართველოში პროფესიულ პროგრამებს 24 საგანმანათლებლო დაწესებულება ახორციელებს.

მსურველებს რეგისტრაციის გავლა თბილისის, ქუთაისისა და ქობულეთის საინფორმაციო ცენტრებში, ასევე, საგანმანათლებლო რესურსცენტრებსა და პროფესიული საგანმანათლებლო პროგრამების განმახორციელებელ დაწესებულებაში შეუძლიათ.

რეგისტრაციის დასრულების შემდეგ, დარეგისტრირებულმა აპლიკანტმა საწყის საფეხურზე სწავლის დასაწყებად უნდა გაიაროს შეფასებისა და გამოცდების ეროვნული ცენტრის მიერ ორგანიზებული პროფესიული ტესტირება. შემდგომ საფეხურზე სწავლის გაგრძელების მსურველმა კი უნდა მიმართოს თავად დაწესებულებას და გაიაროს დაწესებულების მიერ ორგანიზებული ტესტირების პროცედურა.

[sknews.ge]