საარჩევნო სიახლეებზე ცესკო ახალციხეში მედიას და ახალგაზრდებს ესაუბრა

ამ სიახლეების შესახებ ადგილობრივი მედიის წარმომადგენლებსა და ახალგაზრდებს, 21 მაისს, ცენტრალური საარჩევნო კომისიის კოორდინაციისა და მართვის დეპარტამენტის წარმომადგენლები ესაუბრნენ.

პირველი შეხვედრა სამცხე-ჯავახეთის უნივერსიტეტში, სტუდენტებთან შედგა. სიახლეების გაცნობის შემდეგ ახალგაზრდებმა თემაზე – „არჩევნები, როგორც დემოკრატიის წყარო“ დებატები გამართეს. გამარჯვებულები სერტიფიკატებით დაჯილდოვდნენ.

სიახლეებზე მეორე შეხვედრა ახალციხის „დემოკრატიული ჩართულობის ცენტრში“, მედიის წარმომადგენლებთან გაიმართა.

„ეთნიკური უმცირესობებისთვის საარჩევნო დოკუმენტაცია მათთვის გასაგებ ენაზე ითარგმნება; ეთნიკური უმცირესობის წარმომადგენელი კომისიის წევრებისთვის ხელმისაწვდომი იქნება დამხმარე სახელმძღვანელო; გარდა ამისა, კენჭისყრის დღეს ამომრჩევლებს საარჩევნო უბანზე დახვდებათ ამომრჩეველთა ერთიანი სია ფოტოსურათით, მცირემხედველ ამომრჩევლებს კი სპეციალური გამადიდებელი ლინზა, რომლის დახმარებითაც შეძლებენ საარჩევნო ბიულეტენის დამოუკიდებლად შევსებას“, – ამბობს ცენტრალური საარჩევნო კომისიის კოორდინაციისა და მართვის დეპარტამენტის უფროსი სოფო სიჭინავა.

[მანანა სარაშვილი, ახალციხე]