ცესკოს ანგარიში არასამთავრობო ორგანიზაციებსა და დამკვირვებლებს

დღეს, 12 ნომებერს, ცენტრალური საარჩევნო კომისიის კოორდინაციისა და მართვის დეპარტამენტის უფროსმა სოფო სიჭინავამ ცესკოს მიერ განხორციელებულ პროექტებსა და სამომავლო გეგმებზე ისაუბრა.

შეხვედრას დამვკირვებლები, ასევე, ადგილობრივი არასამთავრობო ორგანიზაციებისა და მედიის წარმომადგენლები ესწრებოდნენ.

„ძირითადი პროექტები მიმართული იყო ფართო მასშტაბიანი მედიაკამპანიის წარმოებაზე, ასევე, ამომრჩევლებისთვის საარჩევნო დოკუმენტების თარგმნაზე და კომისიის წევრების მომზადებზე“, - ამბობს სოფო სიჭინავა.

მისი თქმით, ცესკო სამოქალაქო განათლების კუთხით, 2015 წელსაც აქტიურად იმუშავებს: „უფრო მეტ ამომრჩევლამდე უნდა მივიტანოთ ინფორმაცია მათი საარჩევნო უფლების შესახებ. შეხვედრის მომნაწილეებისგან მოვისმინეთ ის პრობლემური საკითხები, რაც უშუალოდ კენჭისყრის დღეს, დამკვირვებლებს, ან ამომრჩევლებს ექმნებათ“.

სიჭინავას განცხადებით, ცესკო ეთნიკურად დასახლებულ რეგიონებში პროექტებს ადგილობრივ არასამთავრობო ორგანიზაციებთან ერთად განახორციელებს:„ცესკო მუშაობს 2015 წლის სტრატეგიაზე, სადაც ერთ–ერთი პრიორიტეტი იქნება ქალთა ჩართულობა საარჩევნო პროცესში. პროექტი, რომელსაც ჩვენ განვახორციელებთ ითვალისწინებს ასევე, 11 კლასელების, სტუდენტებისა და პედაგოგების ინფრომირებულობის ზრდას“.

არასამთავრობო ორგანიზაცია „დემოკრატ მესხტა კავშირის“ წარმომადგენელი ჯაბა ნათენაძე ამბობს , რომ მსგავსი სახის შეხვედრები საარჩევნო პროცესში არსებული ხარვეზების გამოსასწორებლად აუცილებელია: „საინტერესო შეხვედრა იყო. საშუალება გვქონდა გავცნობოდით იმ პროგრამებს, რომელსაც ახორციელებს ცესკო, ასევე, მოვისმინეთ ის პრობლემები, რომლებიც შეექმნათ დამკვირვებლებს თვითმმართველობის არჩევნების დროს“.

[თინათინ ზაზაძე, ახალციხე]