სამცხე-ჯავახეთის გუბერნიაში თანამშრომლები მუშაობას შეუდგნენ

სამხარეო ადმინისტრაციაში განმარტავენ, რომ ახალი თანამშრომლების დანიშვნის შესახებ ბოლო განკარგულება 8 მაისს დაიწერა.

„ამ ეტაპზე 22-ვე თანამშრომელზე დანიშვნის შესახებ განკარგულებები უკვე დაწერილია. ყველა მათგანი მუშაობას ოფიციალურად გასულ კვირას შეუდგა“,- ამბობს სახელმწიფო რწმუნებულის-გუბერნატორის აპარატის უფროსი გიორგი მიქელაძე.

შეგახსენებთ, რომ სამცხე-ჯავახეთის გუბერნიაში კონკურსის წესით შერჩეულ 22 თანამშრომლიდან ორი კვირის წინ დანიშვნის შესახებ ბრძანება მხოლოდ 12 პიროვნებზე დაიწერა. დანარჩენები საბუთებს აწესრიგებდნენ.

სამცხე-ჯავახეთის მხარეში სახელმწიფო რწმუნებულის გუბერნატორის ადმინისტრაციაში კადრების შესარჩევი კონკურსი 2014 წლის 18-27 მარტს მიმდინარეობდა. 25 ვაკანსიაზე 378 განაცხადი შევიდა, კონკურსის პირველი ეტაპი, საბუთების გადარჩევა, წარმატებით 275-მა გაიარა, თუმცა ამათგან გასაუბრებაზე 151 კონკურსანტი გამოცხადდა. კონკურსის მეორე ეტაპი, გასაუბრებები, 14-დან 28 აპრილის ჩათვლით მიმდინარეობდა. კონკურსის შედეგად კომისიამ 25 პოსტისთვის 22 თანამშრომელი შეარჩია.

რაც შეეხება ვაკანტურ სამ პოსტს, თუ როდის გამოცხადდება აღნიშნულ პოსტებზე კონკურსი, ჯერ უცნობია.

[მანანა სარაშვილი, ახალციხე]