ახალციხის ოლქში სპეცუბნები არ გაიხსნება

ახალციხის საოლქო საარჩევნო კომისიას თანამშრომელთა 44–კაციანი სია მხოლოდ შინაგან საქმეთა სამინისტრომ მიაწოდა. თავდაცვის სამინისტროდან კი საოლქოსთვის არავის მიუმართავს.

„მოგვაწოდეს 44–კაციანი სია. თუ ამომრჩეველთა რაოდენობა 50 კაცს არ აღემატება, უბანი არ იხსნება, შესაბამისად, ამ ამომრჩევლებს ახლომდებარე უბანზე მივამაგრებთ. რომელი უბანი შეირჩევა, კომისია გადაწყვეტს“, - ამბობს ახალციხის საოლქო საარჩევნო კომისიის თავმჯდომარე თეა გავაშელი.

მისივე თქმით, კომისია გადაწყვეტილებას 31 მაისამდე მიიღებს.

[თინათინ ზაზაძე, ახალციხე]