ბურჯანაძის პარტიის სახელით, ადიგენში, გამგებლობისთვის 'ოცნების' ყოფილი აქტივისტი იბრძოლებს

თამაზ მწყერაშვილი, „ქართულ ოცნებას“, 30-მდე მხარდამჭერთან ერთად, დღეს ტოვებს. პოლიტიკური ორიენტაციის შეცვლის მიზეზად იგი ქვეყანაში არსებულ ვითარებას ასახელებს. ამბობს, რომ ადამიანები, რომელთა წინააღმდეგაც ქვეყანაში ხელისუფლების შეცვლამდე გამოდიოდნენ, კვლავ წამყვან თანამდებობზე რჩებიან.

„დეპუტატობის კანდიდატებადაც „ოცნებამ“ ისეთი ადამიანები წამოაყენა, რომელებიც სულში გვაფურთხებდნენ“, - აცხადებს მწყერაშვილი.

მას, დღეს, გამგებლობის კანდიდატად ადიგენში „ბურჯანაძე - დემოკრატიული საქართველოს“ რეგიონული კოორდინატორი ჯიმშერ გოგოლაური წარადგენს.

„იმ ადამიანებთან ერთად ვიბრძოდით „ნაციონალების“ წინააღმდეგ, რომლებიც დღეს „ქართული ოცნებიდან“ ჩვენთან გადმოდიან, - აცხადებს გოგოლაური და ამატებს, რომ დღეს წამყვან თანამდებობეზე კვლავ „ნაციონალები“ რჩებიან - ქვეყანაში ყველაფერი უკან მიდის. ამიტომ მიიღეს ამ ადამიანებმა გადაწყვეტილება „ქართული ოცნება“ დატოვონ და ბურჯანაძის მხარდამჭერები გახდნენ“.

[თამუნა უჩიძე, ახალციხე]