ახალციხის თვითმმართველობამ საარჩევნო მასალების გასაკრავი ადგილები გამოყო

მთავარი → პოლიტიკა 29.04.2014

ახალციხის ადგილობრივმა ხელისუფლებამ ის ადგილები გამოყო, სადაც პოლიტიკურ პარტიებსა და საარჩევნო სუბიექტებს წინასაარჩევნო პერიოდში სააგიტაციო მასალების გამოკვრა შეუძლიათ.

ახალციხის თვითმმართველობამ საარჩევნო მასალების გასაკრავი ადგილები გამოყო

თვითმმართველობამ ასეთ ადგილებად სოფლებში რიტუალების სახლები შეარჩია, ქალაქ ახალციხეში კი დასახლებების ღობეები, განათების ბოძები და ბილბორდები. გარდა ამისა, პლაკატების გაკვრა შესაძლებელია კერძო შენობებზე, თუმცა, ცხადია, მესაკუთრეებთან შეთანხმებით.

გთავაზობთ თვითმმართველობის მიერ გამოყოფილი ადგილების სრულ ჩამონათვალს:

ქალაქ ახალციხეში არსებული ბილბორდები;
ქალაქ ახალციხეში, 9 აპრილისა და რუსთაველის ქუჩების გადაკვეთაზე მდებარე ხის მესერი;
ახალციხის სასაზღვრო რაზმის - ყოფილი სამხედრო ქალაქის ლითონის მესერი;
კერძო შენობა-ნაგებობები და სხვა ობიექტები მესაკუთრეებთან შეთანხმებით;
საავტომობილო გზების გასწვრივ მდებარე ღამის განათების ბოძები;
ახალციხის მუნიციპალიტეტის სოფლებში არსებული რიტუალების სახლები.

საარჩევნო პლაკატების გასაკრავად და გამოსაფენად გამოყოფილი ადგილების ჩამონათვალი ახალციხის ადგილობრივმა თვითმმართველობამ N37-ე ახალციხის საოლქო საარჩევნო კომისიას უკვე გადაუგზავნა.

[მანანა სარაშვილი, ახალციხე]