სად (არ) შეიძლება საარჩევნო პლაკატების გაკვრა – ახალციხის საკრებულოს დადგენილება

პარტიებს შეუძლიათ სააგიტაციო მასალები გააკრან კულტურისა და რიტუალების სახლების კედლებზე, ავტობუსების მოსაცდელებზე, ღობეებზე, სოფლებში თავშეყრის ადგილებზე, წყაროებთან და ხიდების მოაჯირებზე, ასევე დასახლებულ პუნქტებში არსებულ გზებზე, არანაკლებ 3.8 მეტრის სიმაღლეზე.

ახალციხის მუნიციპალიტეტის 47 დასახლებაში, საკრებულომ 150-მდე ასეთი ადგილი განსაზღვრა.

გასული წლების მსგავსად საარჩევნო პლაკატები კვლავ ერთი ზომის (42სმ; A2 ფორმატი) უნდა იყოს. რაც შეეხება ადგილებს, სადაც სააგიტაციო მასალების გაკვრა აკრძალულია, ესენია:

• საკულტო ნაგებობების ფასადები;
• ძეგლის სტატუსის მქონე შენობა–ნაგებობები;
• შენობების შიდა ან გარე ფასადი, სადაც განთავსებულია სახელმწიფო დაწესებულებები. აგრეთვე სასამართლო და საოლქო პროკურატურა;
• ნაგებობებზე სადაც განთავსებულია დავდაცვის და შს სამინისტროს სტრუქტურული დანაყოფები;

პლაკატების გაკვრა აკრძალულია აგრეთვე გარე განათების ბოძებსა და საგზაო ნიშნებზე.

მუნიციპალიტეტის ტერიტორიაზე საარჩევნო სააგიტაციო მასალების განთავსების რეგულირების შესახებ განკარგულება ახალციხის საკრებულომ 27 აგვისტოს გამართულ სხდომაზე დაამტკიცა.

[რობი ზარიძე]