რომელ შენობებში ჩატარდება წინასაარჩევნო ღონისძიებები ახალციხის მუნიციპალიტეტში

ადგილობრივმა თვითმმართველობებმა საოლქო საარჩევნო კომისიებს წინასაარჩევნო ღონისძიებებისთვის გამოყოფილი შენობა-ნაგებობების ნუსხა 19 აპრილს წარუდგინეს. მიღებული სია საოლქო კომისიებმა ორი დღის ვადაში გაასაჯაროვეს.

ახალციხის მუნიციპალიტეტის ადგილობრივმა ხელისუფლებამ ამომრჩეველთან შესახვედრად პოლიტიკურ სუბიექტებს სოფლებში კულტურის სახლები გამოუყო.

რაც შეეხება ქალაქს, აქ გაცილებით მეტი არჩევანია. პოლიტიკურ პარტიებსა და კანდიდატებს ამომრჩევლებთან შეხვედრის გამართვა რამდენიმე ადგილას შეუძლიათ.

გთავაზობთ შენობა-ნაგებობების ჩამონათვალს:

1. ახალციხის მუნიციპალიტეტის სოფლებში არსებული კულტურის სახლები;
2. ააიპ ახალციხის კომპლექსური სასპორტო სკოლა, მისამართი: ქ. ახალციხე, ასპინძის ქუჩა N44;
3. ააიპ ახალციხის სამუსიკო სკოლა, მისამართი: ქ.ახალციხე, ფარნავაზ მეფის ქუჩა N2;
4. ააიპ ვალის სამუსიკო სკოლა, მისამართი: ქ. ვალე, ვაჟა-ფშაველას ქუჩა N4;
5. სსიპ მესხეთის (ახალციხის) პროფესიული სახელმწიფო თეატრი, მისამართი: ქ. ახალციხე, თამარ მეფის ქუჩა N6;
6. ახალციხის კულტურის სახლი, მისამართი: ქ. ახალციხე, იაძის ქუჩა N1.

[თამარ თოთაძე, ახალციხე]