ახალციხის მერიის თანამშრომლებმა ახალციხის ტბის მიმდებარე ტერიტორია დაასუფთავეს

ახალციხის მერიის ინფორმაციით, ტბის მიმდებარე ტერიტორიაზე დაბინძურების ახალი კერები ყოველდღიურად ჩნდება.

ტბის ადმინისტრაცია მოსახლეობას პრობლემისადმი გულისხმიერი დამოკიდებულებისაკენ მოუწოდებს.

„ვერცერთი სამსახური და ბიუჯეტი ვერ გაუმკლავდება ამ პრობლემას, თუ არა მოსახლეობის პრობლემისადმი გულისხმიერი დამოკიდებულება“ – ამბობს ტბის დირექტორმა გაგა ღავთაძე.

მერიაში აცხადებენ, რომ აქციის მიზანი გარემოზე ზრუნვა და მოსახლეობის ცნობიერების ამაღლებაა.

„მიუხედავად იმისა, რომ ტბაზე ბევრი ურნა დგას, ხედავთ რა მდგომარეობაც იყო აქ. მოსახლეობამ უნდა გაითავისოს ის, რომ ტერიტორია არ დააბინძუროს არავინ იფიქროს, რომ თუ რაღაც პატარას აგდებს, ეს არ არის ნაგავი. ძალიან მნიშვნელოვანია ადამიანის შეგნება ამ მიმართულებით", - განაცხადა ახალციხის მერმა გიორგი კოპაძემ.

[sknews.ge]