ჩანგრეული ასფალტი ახალციხეში, ძველ ბაზართან [photo]

ქუჩაზე მიმავალი მოქალაქე ან მანქანა შემთხვევით თხრილში რომ არ ჩავარდეს, ამ ადგილას მდებარე მაღაზიების მეპატრონეებმა, თხრილში პლასტმასის მაღალი ჯოხები ჩაარჭეს. ამბობენ, რომ ერთი მანქანა უკვე ჩავარდა და ასე ამიტომ მოიქცნენ.

ამ გზის გავლა დღის განმავლობაში არაერთ მოქალაქეს უწევს. მათ, ვინც ძველ ბაზარში, ან ამ ქუჩაზე მდებარე პლასტმასებისა და წვრილმანების მაღაზიებში მიდის, ან მათ, ვინც ივერიელისა და ნიკოლაძეების (ქალაქის ამ ნაწილში ნიკოლაძის 4 ქუჩაა)ქუჩაზე ცხოვრობს.

ახალციხის რწმუნებულმა დავით სამსონიძემ დაზიანებული გზის შესახებ „სამხრეთის კარიბჭესგან“ შეიტყო. სამსონიძე ირწმუნება, რომ ამ საკითხით დაინტერესდება და ჩანგრეული მონაკვეთის აღდგენაზე იზრუნებს. თუმცა, როდის შეკეთდება ივერიელის ქუჩაზე დაზიანებული ასფალტის საფარი, სამსონიძე ვერ აკონკრეტებს.







[თინათინ ზაზაძე, ახალციხე]