საფინანსო პოლიციამ ახალციხეში სამი პირი დააკავა

სამივე მათგანი საქართველოს ფინანსთა სამინისტროს საგამოძიებო სამსახურის საგამოძიებო დეპარტამენტის სამცხე-ჯავახეთის სამმართველოს წარმომდგენლებმა დააკავეს.

მერაბიშვილი და ქასრაშვილი ახალციხის მუნიციპალიტეტის გამგეობის ინფრასტრუქტურის სამსახურის სპეციალისტები არიან. ფარცახაშვილი კი იმ შპს-ს ხელმძღვანელია, რომელმაც ახალციხეში ასპინძის ქუჩაზე მდებარე 28-ე კორპუსის სახურავის სარეაბილიტაციო სამუშაოები შეასრულა. აღნიშნულ სამუშაოებზე ფინანსთა სამინისტროს საგამოძიებო სამსახურის სამცხე-ჯავახეთის სამმართველოს ძიება 182-ე მუხლით ჰქონდა დაწყებული, რაც თანხის მითვისებას ან გაფლანგვას გულისხმობს.

საქართველოს ფინანსთა სამინისტროს საგამოძიებო სამსახურის პრესსამსახურში "სამხრეთის კარიბჭეს" განუცხადეს, რომ დაკავების შესახებ ოფიციალურ განცხადებას ფინანასთა სამინსიტროს საგამოძიებო სამსახური 2 საათში გაავრცელებს.

შეგახსენებთ, აღნიშნულ საქმესთან დაკავშირებით, ახალციხის მუნიციპალიტეტის საკრებულოს თავმჯდომარემ ოლეგ სანდროშვილმა 3 აპრილს ბრიფინგი გამართა და განაცხადა, რომ აღნიშნულ საქმეზე დაკითხვისას რევაზ მერაბიშვილზე საფინანსო პოლიციაში ფსიქოლოგიური ზეწოლა განხორციელდა. სანდროშვილის განცხადებით, მერაბიშვილს აიძულებდნენ მის წინააღმდეგ ცრუ ჩვენება მიეცა.


ერთ-ერთი დაკავებული რევაზ მერაბიშვილი

[თამუნა უჩიძე, ახალციხე]