ურავლის მიმართულებით მოძრაობა უკვე უსაფრთხოა

გზაზე, რომელიც შვიდ სოფელს აკავშირებს ახალციხესთან, ორი კვირის განამავლობაში კლდე იყო გადმომსკდარი და ყოველ წუთს შეიძლებოდა ჩამოშლილიყო. ამ დროისთვის კლდის გადმომსკდარი ნაწილი მოხსნილია.

”კერძო ფირმა მოვიწვიეთ ამ გზის გასაწმენდად. შესაბამისი ნებართვა აიღო ეკონომიკის სამინისტროდან, რომ ეს მონაკვეთი აეფეთქებინათ”, - ამბობს ახალციხის მუნიციპალიტეტის გამგებელი გელა დემეტრაძე.

მისივე განცხადებით, გზა ურავლის მიმართულებით გაწმენდილია და აქ მგზავრობა საშიში აღარაა.