მოსახლეობა შველას ითხოვს

ურავლის ხეობაში 23 ივნისს ძლიერი წვიმის შედეგად კლდის ნაწილი ჩამოიშალა და ექვსი ადამიანი დაშავდა.

-”კვირაზე მეტია გადამსკარია კლდე და პატრონი არავინაა! როდის მოგვხედავს გამგეობა ვინმე რომ მოყვება შიგ და უბედურება დატრიალდება?! - კითხულობს ურავლის მკივდრი გია ზედგინიძე - ან შემოვლითი გზა გააკეთონ და ან დროულად მოანგრიონ გადმომსკდარი კლდე”.

ზედგინიძე ახალციხე-მუსხის სამარშუტო ტაქსის მძღოლია და ამ გზაზე გავლა დღეში სამჯერ უხდება: ”საშიშია, ყოველწუთს შეიძლება ჩამოინგრეს კლდე და შიგ ვინმ მოყვება ღმერთმა იცის”.

შველას და ყურადღებას ითხოვს, სოფელ ნოვასტროიში მცხოვრები იზოლდა დავლაშერიძეც: ”გვეშინია მგზავრობის, მაგრამ სხვა რა გზა გვაქვს, მოძრაობა მაინც ამ გზით გვიხდება”.

ახალციხის ავტოსადგურის მოლარის ციცო ხოსიტაშვილის განმარტებით, ამ გზაზე ავტოსადგურიდან დღის განმავლობაში, ურავლის მიმართულებით ოთხი, მუსხის მიმართულებით კი სამი რეისი სრულდება: ”აქ გადის ანდრიაწმინდისა და წყორძის მარშუკტებიც”.

ახალციხის მუნიციპალიტეტის გამგებელი გელა დემეტრაძე აცხადებს, რომ გზის გაუნებელყოფა მოხდება, თუმცა როდის, არ აკონკრეტებს: ”სპეციალური სამსახურები მუშაობენ ასეთ შემთხვევებზე და მათ ჩამოვიყვანთ. ვის ჩამოვიყვანთ და როდის, როცა ჩამოვლენ, მაშინ გაიგებთ”.

[თამუნა უჩიძე, ახალციხე]