ნარკოტიკების შემოტანის მცდელობა ვალესა და სარფში

შემოსავლების სამსახურის ინფორმაციით, „ვალეში“ თურქეთის მხრიდან შემოვიდა კანადის მოქალაქე რ.შ., რომელსაც ხელბარგის დათვალიერებისას აღმოაჩნდა ნარკოტიკული ნივთიერების შემცველი პრეპარატი „ტრამადოლი“ (14,5 აბი). საქმე შემდგომი რეაგირებისთვის გადაეცა შსს სამცხე-ჯავახეთის პოლიციის ადიგენის რაიონული სამმართველოს საგამოძიებო განყოფილებას.

10 აბი ფსიქოტროპული პრეპარატი „დიაზეპამი“, 20 აბი ნარკოტიკული საშუალება „დიფენოქსილატი“ და 10 აბი ფსევდოეფედრინის შემცველი პრეპარატი „კოლდაქსი“ აღმოჩნდა ირანის მოქალაქე ა.ფ.-ის ბარგში, ხოლო ირანის მოქალაქე კ.მ.-ს 7 აბი სამედიცინო პრეპარატი „კოლდაქსი“ (ფსევდოეფედრინი) და 8 აბი ნარკოტიკული საშუალება „დიფენოქსილატი“ შემოჰქონდა მალულად.

„ორივე საქმე შემდგომი რეაგირებისთვის გადაეცა შსს სამცხე-ჯავახეთის სამხარეო პოლიციის მთავარი სამმართველოს საგამოძიებო განყოფილებას“,- აცხადებენ შემოსავლების სამსახურში.

შემოასვლების სამსახურის ცნობით, „სარფის“ კონტროლის ზონაში დააკავეს თურქეთის მხრიდან შემოსული ირანის მოქალაქე ზ.მ., რომლის ბარგის დათვალიერებისას მებაჯე ოფიცრებმა მედიკამენტი acetaminophen codeine 300/10 (10 აბი) აღმოაჩინეს. აღნიშნული საქმე შემდგომი რეაგირების მიზნით გადაეცა აჭარის ავტონომიური რესპუბლიკის საპატრულო პოლიციას.

[sknews.ge]