მედიკამენტების კანონდარღვევით შემოტანის ფაქტები „კარწახსა“ და „ვალეში“

შემოსავლების სამსახურის ინფორმაციით, თურქეთის რესპუბლიკის მხრიდან შემოსულ ირანის რესპუბლიკის მოქალაქე ს.ბ.-ს ხელბარგში ნარკოტიკული ნივთიერების შემცველი მედიკამენტი „ACETAMINOPHEN CODEINE“ უპოვეს.

ასევე ირანის რესპუბლიკის მოქალაქე ლ.ა.-ს ნარკოტიკული ნივთიერების შემცველი მედიკამენტი „DIFENOKSILATE“, ირანის რესპუბლიკის მოქალაქე მ.ზ.-ს - ნარკოტიკული ნივთიერების შემცველი მედიკამენტი „ACETAMINOPHEN CODEINE“ და ფსიქოტროპული ნივთიერების შემცველი მედიკამენტები „ALPRAZOLAM“ და „ADULT COLD“ აღმოაჩნდათ, სულ 27,5 აბი.

აღნიშნული საქმეები შემდგომი რეაგირების მიზნით გადაეცა შსს სამცხე-ჯავახეთის პოლიციის დეპარტამენტს.

ანალოგიური ფაქტები გამოვლინდა იმავე დღეს საბაჟო გამშვებ პუნქტზე „ვალე“. შემოსავლების სამსახურის ინფორმაციით, ამ შემთხვევებშიც ირანის რესპუბლიკის მოქალაქეების ა.ა.-ისა და ე.ს.ტ.-ის ბარგის ეჭვის საფუძველზე დათვალიერებისას, შემოსავლების სამსახურის თანამშრომლებმა ნარკოტიკული ნივთიერების შემცველი მედიკამენტები „EXIR“ და „ACETAMINOPHEN CODEINE“ - სულ 20 აბი - აღმოაჩინეს.

ორივე საქმე შემდგომი რეაგირების მიზნით გადაეცა შსს ადიგენის რაიონულ სამმართველოს.

[sknews.ge]