კარწახისა და ვალეს საბაჟოებიდან ნარკოტიკული ნივთიერების შემცველი მედიკამენტების შემოტანა სცადეს

შემოსავლების სამსახურის ინფორმაციით, მებაჟე ოფიცრებმა "კარწახის" ტერიტორიაზე თურქეთის რესპუბლიკის მხრიდან შემოსულ ავტომანქანაში, რომელსაც ირანის მოქალაქე მ.ო. მართავდა 27 აბი ნარკოტიკული ნივთიერების შემცველი მედიკამენტი ACETAMINOPHEN CODEINE და 14 აბი ფსიქოტროპული ნივთიერების შემცველი მედიკამენტი BACLOFEN აღმოაჩინეს. ასევე, ირანის მოქალაქე დ.ა.-ის ავტომანქანის სალონის ეჭვის საფუძველზე დათვალიერების შედეგად, მებაჟე ოფიცრებმა ნარკოტიკული ნივთიერების შემცველი მედიკამენტი Codacet (6 აბი), ხოლო ასევე ირანის მოქალაქე ს.ო.-ის მართვის ქვეშ არსებულ ავტომანქანაში 5 აბი ნარკოტიკული ნივთიერების შემცველი მედიკამენტი Codacet იპოვეს.

20 აბი ნარკოტიკული ნივთიერების (კოდეინი) შემცველობის პრეპარატი DOLADAMON P DRAJE აღმოაჩინეს საბაჟო გამშვები პუნქტის "ვალეს" მებაჟე ოფიცრებმა ირანის მოქალაქე დ.ა.-ის კუთვნილ ხელბარგშიც.

ყველა ეს საქმე შემდგომი რეაგირების მიზნით გადაეცა შსს სამცხე-ჯავახეთის პოლიციის დეპარტამენტს.

[თამარ თოთაძე, ახალციხე]