'ვალეს' საბაჟოზე მოქალაქეები ნარკოტიკული ნივთიერების შემოტანას ცდილობდნენ

"5 დეკემბერს საბაჟო გამშვები პუნქტის „ვალეს“ ტერიტორიაზე თურქეთის მხრიდან შემოვიდა ირანის მოქალაქე ჰ. ფ., რომლის ხელბარგის დათვალიერებისას აღმოჩენილ იქნა ნარკოტიკული ნივთიერების შემცველი მედიკამენტი - „დიფენოქსილატი“ 10 აბი.

იმავე დღეს, 27 აბი ფსიქოტროპული ნივთიერების შემცველი მედიკამენტი „ქლორდიაზეპოქსიდი“ აღმოჩნდა „ვალეს“ ტერიტორიაზე თურქეთის მხრიდან შემოსული ირანის მოქალაქის მ. ს.-ის ხელბარგშიც.

ორივე საქმე შემდგომი რეაგირებისთვის გადაეცა შსს სამცხე-ჯავახეთის მთავარი სამმართველოს საგამოძიებო განყოფილებას", - აცხადებენ შემოსავლების სამსახურში.

[SKnews.ge]