ნარკოტიკული ნივთიერების შემოტანის 9 შემთხვევა 14 დღეში

შემოსავლების სამსახურის ცნობით, 11 ოქტომბერს საბაჟო გამშვები პუნქტის, „ვალეს“, ტერიტორიაზე თურქეთის მხრიდან შემოვიდა თურქეთის მოქალაქე ვ. ც., რომლის ბარგისა და ხელბარგის დათვალიერებისას აღმოჩენილ იქნა ნარკოტიკული ნივთიერების შემცველი პრეპარატი კოდეინი – 30 აბი და ფსიქოტროპული პრეპარატი ფსევდოეფედრინი – 24 აბი.

47 აბი ფსიქოტროპული პრეპარატი ფსევდოეფედრინი აღმოჩნდა იმავე დღეს, თურქეთის მხრიდან შემოსული თურქეთის მოქალაქის ნ. ც.-ის ბარგისა და ხელბარგის დათვალიერებისასაც.

14 ოქტომბერს, ფსიქოტროპული პრეპარატი დიაზეპამი - 9 აბი აღმოაჩნდა ირანის ისლამური რესპუბლიკის მოქალაქე ჰ. ბ.-ს.
მომდევნო დღეს, 15 ოქტომბერს, ასევე ირანის მოქალაქე ე.ს.-ს 20 აბი დიქსენოქსიტალე და 10 აბი ფსევდოეფედრინი აღმოუჩინეს,

17 ოქტომბერს"ვალეს" საბაჟოზე ირანის ისლამური რესპუბლიკის მოქალაქე ა.რ. შემოვიდა, რომლის ბარგისა და ხელბარგის დათვალიერებისას შემოსავლების სამსახურის საბაჟო დეპარტამენტის თანამშრომლებმა ნარკოტიკული ნივთიერების შემცველი პრეპარატი „დიფენოქსილატი“ (11 აბი) აღმოაჩინეს.

19 ოქტომბერს, ირანის მოქალაქე მ.ე. „დიფენოქსილატის“ 5 აბის შემოტანას შეეცადა. იმავე დღეს, ირანის მოქალაქე ა.ფ.-ს ბარგსა და ხელბარგში აღმოაჩნდა: "აცეტამინოფენ კოდეინი“ - 10 აბი, ფსიქოტროპული პრეპარატები: „დიაზეპამი“ - 6 აბი, „ფსევდოეფედრინი“ - 8 აბი, „ალპრაზოლამი“ - 10 აბი, „ქლორდიაზეპოქსიდი“ - 13 აბი .

21 ოქტომბერს საბაჟო გამშვები პუნქტის „ვალეს“ ტერიტორიაზე თურქეთიდან ირანის მოქალაქე ჰ.კ. შემოვიდა. შემოსავლების სამსახურის საბაჟო დეპარტამენტის თანამშრომლებმა ირანის მოქალაქის კუთვნილ ბარგში ნარკოტიკული ნივთიერების შემცველი პრეპარატები: სიმრა პრეგაბალინი (SIMRA ,,pregabalin”) - 168 კაფსულა და ლირიკა („LIRICA“) - 5 კაფსულა აღმოაჩინეს.

23 ოქტომბერს, 14 აბი „დიფენოქსილატი“ აღმოაჩნდა ირანის ისლამური რესპუბლიკის მოქალაქე მ.ს.-ს.

საქმის მასალები შემდგომი მოკვლევისათვის შსს სამცხე-ჯავახეთის საპატრულო პოლიციის დეპარტამენტის საგამოძიებო სამსახურს გადაეცა, - ნათქვამია შემოსავლების სამსახურის მიერ გავრცელებულ განცხადებაში.

[sknews.ge]