ბორჯომში ძლიერი ქარის შედეგებს ებრძვიან

17 მარტს ძლიერმა ქარმა ბორჯომში, თამარ მეფის ქუჩის N28-ში მდებარე ხუთსართულიან საცხოვრებელ სახლს სახურავის ნაწილი გადახადა. გარდა თამარ მეფის ქუჩისა, ძლიერი ქარის შედეგად საუხრავი ნინოშვილის N1/ბ-ში მდებარე კორპუსსაც გადაეხადა. სახურავიდან ჩამოცვენილმა თუნუქმა ეზოში საბავშვო მოედანი დააზიანა.

ძლიერი ქარმა ქარმა ბორჯომში, ცხრა აპრილის ქუჩაზე ნაძვის ხეც მოთხარა. ასევე, ცხრა აპრილის ქუჩაზე, პლატოს ასახვევთან არსებული ავტობუსის მოსაცდელი წააქცია.

ბორჯომის მუნიციპალიტეტის გამგეობაში განმარტავენ, რომ სტიქიით მიყენებულ ზარალს სპეციალური კომისია დაითვლის.

„ადგილზე ვიყავით, მოსახლეობას შევხვდით, უმოკლეს ვადებში მოხდება ზარალის დათვლაც და სამუშაოების დაწყებაც“, - ამბობს ქალაქის რწმუნებული ანზორ სხვანიძე.





[თამარ თოთაძე, ბორჯომი]