სოფელ აწყვიტაში სტიქიისგან მიყენებულ ზარალს ითვლიან

ასპინძის მუნიციპალიტეტის მერიაში სტიქიით მიყენებული ზარალის შემსწავლელი სპეციალური კომისიის წევრები სოფელ აწყვიტაში, ტატურაშვილების ოჯახში იმყოფებიან. ძლიერმა ქარმა, სახურავი სოფელში მხოლოდ მათ სახლს დაუზიანა.

„ზარალის დათვლის შემდეგ გაირკვევა თუ რა თანხით სჭირდებათ დახმარება ტატურაშვილებს და ჩვენ ბიუჯეტიდან რამდენის გამოყოფა შეგვეძლება“, – ამბობს ასპინძის მუნიციპალიტეტის მერი როსტომ მაგრაქველიძე.

მისივე თქმით, ამ ეტაპზე ძლიერი ქარისგან მიყენებული ზიანის შესახებ სხვა სოფლებიდან მერიაში ინფორმაცია არ შესულა.

შეგახსენებთ, რომ 24 მარტს ძლიერმა ქარმა სოფელ აწყვიტაში ერთ სახლს სახურავი ნაწილობრივ გადახადა. ასევე, სოფელ ხერთვისთან, ცენტრალურ გაზაზე ორი ხე წააქცია, ტერიტორია სამაშველო სამსახურის წარმომადგენლებმა იმ დღღესვე გაწმინდეს.

[sknews.ge]