ახალციხის სასამართლოში ადიგენის ყოფილი გამგებლის სასამართლო პროცესი დაიწყო

სასამართლო პროცესს ადიგენის მუნიციპალიტეტის თვითმმართველობის წარმომადგენლები ესწრებიან. სასამართლო დარბაზში იმყოფებიან სამცხე-ჯავახეთის გუბერნატორის მოადგილეები, ვახტან გეწაძე და გელა დემეტრაძე, ასევე ადიგენის მუნიციპალიტეტის მაჟორიტარი დეპუტატი "ერთიანი ნაციონალური მოძრაობიდან" ზურაბ ჩილინგარაშვილი.

"პარლამენტში საკონსტიტუციო ცვლილებების განხილვა მიმდინარეობს და სხვა დეპუტატებმა ჩამოსვლა ამიტომ ვერ შეძლეს. მომდევნო პროცესზე უფრო მეტი ხალხი იქნება", - ამბობს ზურაბ ჩილინგარაშვილი.

შეგახსენებთ, რომ სიმონ პარუნაშვილი 27 აგვისტოს დააკავეს. მას ბრალი სსკ-ის 332-ე მუხლის პირველი ნაწილით, ორ ეპიზოდში ედება, რაც სამსახურეობრივი უფლებამოსილების გადამეტებას გულისხმობს და 3 წლამდე პატიმრობას ითვალისწინებს.

სასამართლო პროცესზე იმყოფება "სამხრეთის კარიბჭეც", დეტალებს მოგვაინებით მოგაწვდით.

[sknews.ge]