მერაბიშვილი: ქუთაისის სასამართლომ დიდი თეთრი ალამი აღმართა სასამართლოს თავზე

"მინდა გამოვეხმაურო გუშინ ქუთაისის საქალაქო სასამართლოს მიერ ჩემს მიმართ გამოტანილ გააჩენს. მე მინდა გითხრათ, რომ მე თავიდანვე ვიყავი განწყობილი და ჩემს ადვოკატებსაც ვარწმუნებდი ქუთაისის სასამართლოში დაცვის განხორციელების უაზრობაში, და მე მართალი აღმოვჩნდი.

გუშინ ქალბატონმა მოსამართლემ და ქუთაისის სასამართლომ დიდი თეთრი ალამი აღმართა სასამართლოს თავზე. ამ ფონზე, რაც მე განვაცხადე და იმ ფონზე როდესაც ქუთაისის სასამართლომ აღმართა თეთრი ალამი, დღეს მე ვიმყოფები თბილისის სასამართლოში.

დღეს საზოგადოებაში ჯერ კიდევ არის აზრი რომ თბილისის სასამართლო ნაწილობრივ მაინც ინარჩუნებს დამოუკიდებლობას და თქვენ ბატონო მოსამართლე ღმერთმა გარგუნათ ეს ტესტი.

იმ დროს, როდესაც თქვენ ძალიან მძიმე მდგომარეობაში ბრძანდებით და სავარაუდოდ განიცდით სერიოზულ ზეწოლას, მე იმედს გამოვთქვამ, რომ ჩემი დაცვის მცდელობა დაასაბუთოს ჩემი უდანაშაულობა არ იქნება ფუჭი და საქართველოში დარჩება თუნდაც ერთი შენობა, რომელიც ჯერ ივანიშვილს არ ეკუთვნის. დიდი მადლობა", - წერს ვანო მერაბიშვილი.

შეგახსენებთ, ქუთაისის საქალაქო სასამართლომ ყოფილ პრემიერ მინისტრს ვანო მერაბიშვილის, გუშინ, 17 თებერვალს, 5-წლით თავისუფლების აღკვეთა მიუსაჯა. გარდა ამისა, სასამართლოს გადაწყვეტილებით ვანო მერაბიშვილს აეკრძალა თანამდებობის დაკავება 1 წლის და 6 თვის ვადით. სასამართლოს ვანო მერაბიშვილი არ დასწრებია.

[Sknews.ge]