ენმ ახალციხე ვანო მერაბიშვილის პატიმრობის ერთ წლისთავს ეხმაურება

აღნიშნულს „ერთიანი ნაციონალური მოძრაობის“ ახალციხის რაიონული ორგანიზაცია ეხმაურება.

„დღევანდელმა ხელისუფლებამ დააპატიმრა პიროვნება რომელმაც, საქართველოში მოსპო კრიმინალთა თარეში და "ქურდული სამყარო" გამოკეტა გისოსებს მიღმა.
დღევანდელ ხელისუფლებას პატიმრობაში ყავს პირი რომელმაც, დაუნდობელი ბრძოლა გამოუცხადა კორუფციას.
დღევანდელ ხელისუფლებას პატიმრობაში ყავს პირი რომელმაც, საქართველოს მოსახლეობას დაუბრუნა პოლიციისადმი ნდობა.
დღევანდელ ხელისუფლებას და პირადად ბიძინა ივანიშვილს პატიმრობაში ყავს პირი რომელიც, მუხლჩაუდრეკელად შრომობდა საქართველოს გაძლიერებისთვის და გამთლიანებისთვის.
ჩვენ ამას გაგებით ვერ მოვეკიდებით“, – ნათქვამია ენმ ახალციხის მიერ გავრცელებულ განცხადებაში.

შეგახსენებთ, პროკურატურამ ყოფილ შინაგან საქმეთა მინისტრსა და პრემიერს ვანო მერაბიშვილს, ასევე, ყოფილ ჯანდაცვის მინისტრ ზურაბ ჭიაბერაშვილს 2013 წლის 21 მაისს, სისხლის სამართლის სამი მუხლით (ამომრჩევლის მოსყიდვა, მითვისება/გაფლანგვა და სამსახურებრივი უფლებამოსილების ბოროტად გამოყენება) წარუდგინეს ბრალი. 2014 წლის 17 თებერვალს კი ქუთაისის საქალაქო სასამართლომ ვანო მერაბიშვილს ხუთი წლით თავისუფლების აღკვეთა მიუსაჯა. სასამართლოს გადაწყვეტილებითვე, ვანო მერაბიშვილს აეკრძალა თანამდებობის დაკავება 1 წლის და 6 თვის ვადით.



[sknews.ge]