აწყვიტაში ტერიტორია, სადაც კლდე ჩამოიშალა გეოლოგმა შეისწავლა

„დაახლოებით ოთხი დღის წინ იყო ჩამოსული შეისწავლა ტერიტორია და ახლა დასკვნას ველოდებით, რომ იმის მიხედვით მოვიქცეთ, რისი გაკეთება შეიძლება“,-ამბობს ასპინძის მუნიციპალიტეტის მერის მოადგილე დავით პაპაშვილი.

როდის იქნება მზად გეოლოგების დასკვნა ჯერ უცნობია.

აწყვიტაში, ველიჯანაშვილების სახლის მახლობლად კლდე 15 ოქტომბერს ჩამოიშალა. კლდის ნაშალი ნაწილი საცხოვრებელი სახლის სარდაფს დაეცა, ნაწილი კი ეზოში გაჩერდა. ველიჯანაშვილები ამბობენ, რომ კლდე თითქმის ყოველდღე იშლება, ამიტომ მათ სახლში დარჩენის ეშინიათ.

სოფელ აწყვიტაში, ველიჯანაშვილების გარდა კიდევ ოთხი ოჯახია, რომლებიც ამბობენ, რომ კლდის ჩამოშლის შემთხვევაში მათ საცხოვრებლებს საფრთხე ემუქრება.

[ლუბა გიორგაძე, ასპინძა]