გუბერნიაში ატესტაციის პროცესი საჩივრების გარეშე დასრულდა

შედეგების გასაჩივრების ვადა დღეს, 31 იანვარს, 19:00 საათზე ამოიწურა. საპრეტენზიო კომისიაში არცერთი საჩივარი არ შესულა. შესაბამისად, ატესტაციის შედეგები ორშაბათს, 3 თებერვალს გასაჯაროვდება.

სამცხე-ჯავახეთის სამხარეო ადმინისტრაციაში საჯარო მოხელეთა ატესტაცია 28 იანვარს ჩატარდა. 46 თანამშრომლიდან ატესტაცია შტატში მყოფ 26 თანამშრომელს შეეხო.

შეესაბამებით, ნაწილობრივ შეესაბამებით ან არ შეესაბამებით, - ასეთი ფორმულირებით გააცნო პასუხები ატესტაციის მეორე დღეს, 29 იანვარს, კომისიამ ატესტაციაგავლილ მოხელეებს. თუმცა, ვინ რა შეფასება მიიღო, ამ დრომდე არ ასაჯაროებენ.

[sknews.ge]