C ჰეპატიტის სამკურნალო მედიკამენტებზე რეგისტრაცია იწყება

ჯანდაცვის მინისტრის მოადგილემ, მარიამ ჯაშმა C ჰეპატიტის სამკურნალო მედიკამენტებზე შეღავათით სარგებლობის წესი განმარტა. ფასდაკლებით სარგებლობის უფლების მისაღებად, სოციალური მომსახურები სააგენტოს ან მის ტერიტორიულ სამსახურებს პირველი თებერვლიდან უნდა მიმართონ. სადაც უნდა წარადგინონ ცნობა ჯანმრთელობის მდგომარეობის შესახებ, რომელიც უნდა მოიცავდეს ჩატარებული კვლევებისა და მკურნალობის კურსის ხანგრძლივობის შესახებ.

მარიამ ჯაშის განმარტებით, სააგენტოში განცხადების ჩაბარების შემდეგ, მისი დოკუმეტაცია განიხილება „ცე ჰეპატიტით დაავადებული პირებისათვის, ცე ჰეპატიტის სამკურნალო მედიკამენტებზე შეღავათით სარგებლობის უფლების განმსაზღვრელი კომისიის“ მიერ. განმცხადებელს კომისიის გადაწყვეტილების შესახებ, საბუთების ჩაბარებიდან 1 თვის ვადაში ეცნობება. დადებითი პასუხის შემთხვევაში 1 ივლისიდან, მედიკამეტების შეძენა შესაძლებელი იქნება: თბილისში იოსებიძის ქ. N60; ქუთაისი ბროსეს ქ. N5; ბათუმი გოგებაშვილის ქ. N32.

[sknews.ge]