ქრონიკული დაავადებების სამკურნალო მედიკამენტები გაიაფდება

დევნილთა, შრომის, ჯანმრთელობისა და სოციალური დაცვის სამინისტროს განცხადებით, ყველაზე გავრცელებული ქრონიკული დაავადებების სამკურნალო მედიკამენტებს, საბაზრო ღირებულების 50% და მეტი დააკლდებათ. ფასდაკლება განხორციელება გულ-სისხლძარღვთა სისტემის, დიაბეტის (არაინსულინდამოკიდებული), ფარისებლი ჯირკვლის და ფილტვის ქრონიკულ დაავადებებზე.

მედიკამენტების ფასდაკლებით შესაძენად, ბენეფიციარებმა უნდა მიმართონ ოჯახის, სოფლის ან ექიმ სპეციალისტს, რათა ფორმა N100 და რეცეპტი მიიღონ. რის შემდეგაც, ბენეფიციარებმა აღნიშნული დოკუმენტებითა და პირადობის მოწმობით პროგრამაში რეგისტრაცია უნდა გაიარონ, სოციალური მომსახურების სააგენტოს ნებისმიერ ფილიალში.

მოქალაქეს ამ პროცედურების გავლის შემდეგ, შეუძლია მედიკამეტები ფასდაკლებით შეიძინოს სააფთიაქო ქსელ PSP-ს ნებისმიერ ფილიალში რეცეპტისა და პირადობის მოწმობის წარდგენით.

ქრონიკული დაავადებების სამკურნალო მედიკამენტებით უზრუნველყოფის გაფართოებულ პროგრამაში ყველა პრეპარატი ჯანდაცვის მსოფლიო ორგანიზაციის მიერ პრეკვალიფიცირებულია.

მოქალაქეები, რომლებიც ამ პროექტით ისარგებლებენ, შესაძლებლობა ექნებათ ერთჯერადად შეიძინონ მაქსიმუმ სამი თვის სამყოფი ოდენობის მედიკამენტები.

შეგახსენებთ, რომ პროგრამის პირველი ეტაპი 2017 წლის მაისში დაიწყო. იგი სოციალურად დაუცველ მოსახლეობაზე გავრცელდა . მათთვის ქრონიკულ დაავადებების სამკურნალო მედიკამენტებზე, კერძოდ 23 დასახელებაზე, მოიხსნა ფინანსური ბარიერი, სოციალურად დაუცველ პირებს კი მიეცათ შესაძლებლობა თვეში მაქსიმუმ 1 ლარად შეიძინონ განსაზღვრული მედიკამენტები.

[თორნიკე ზაზაძე, ახალციხე]