რიფსიმე მარგარიანი: '30 ლარს მაძლევდნენ და ისიც შემიწყვიტეს'

რიფსიმე მარგარიანს თვიდან-თვემდე თავის გატანა 150 ლარიანი პენსიით უწევს. 2006-დან 2010 წლამდე ყოველთვიურად 30 ლარს, დახმარებას იღებდა, მაგრამ მას შემდეგ რაც საცხოვრებლად სხვა სახლში გადავიდა, დახმარება შეუწყვიტეს.



„მოვიდნენ, შეამოწმეს, მაგრამ მაღალი ქულები მივიღე და დახმარება აღარ მომცეს. მას მერე ყოველ წელს ვწერ განცხადებას, მოდიან, ამოწმებენ, მაგრამ მაღალი ქულების გამო მეუბნებიან, რომ დახმარება არ გეკუთვნისო. 30 ლარს მაძლევდნენ და ისიც შემიწყვიტეს".



2013 წლის 12 ნოემბრის მონაცემებით რიფსიმე მარგარიანს 63 880 ქულა აქვს მინიჭებული, ამ ქულებით სოციალურ დახმარებას ვერ მიიღებს. სოციალური მომსახურების სააგენტოს ახალციხის განყოფილებაში განმარტავენ, რომ რიფსიმე მარგარიანის განმეორებით განცხების დაწერა ერთი წლის შემდეგ შეუძლია.



მარტოხელა ქალბატონი ადგილობრივ თვითმმართველობას შეშით დახმარებასა და უმწეოთა სასადილოში კვების უფლებას სთხოვს. გამგეობაში ამბობენ, რომ შეშით დაეხმარებიან, მაგრამ, როდის ვერ აკონკრეტებენ. უფასო სასადილოში კი ადგილი უკვე აღარ არის.







ვრცლად ამ თემაზე იხილეთ სტატია: 74 წლის მარტოხელა რიფსიმე მარგარიანი დახმარების მოლოდინშია

[თამარ თოთაძე, ახალციხე]