სამცხე-ჯავახეთში დავით ნარმანიას ელოდებიან

შეხვედრა 12:00 საათზე სამცხე-ჯავახეთის სამხარეო ადმინისტრაციაში გაიმართება.

რეგიონული განვითარების მინისტრი სამცხე-ჯავახეთის გუბერნატორთან აკაკი მაჭუტაძესა და რეგიონის ექვსივე მუნიციპალიტეტების ხელმძღვანელებთან სამცხე-ჯავახეთში დაგეგმილ ინფრასტრუტურულ პროექტებს განიხილავს. სამინისტრო სამცხე-ჯავახეთის რეგიონში ინფრასტრუქტურული პროექტების განხორციელებისას 2014 წელს 13 მილიონი ლარის დახარჯვას გეგმავს.

წინასწარი ინფორმაციით, საუბარი შეეხება სამცხე-ჯავახეთში რეგიონებში განსახორციელებელი პროექტების ფონდიდან დაფინანსებულ პროექტებსაც. აღნიშნული ფონდიდან სამცხე-ჯავახეთში პირველ ეტაპზე 11,570,015 ლარის ღირებულების 25 პროექტი დამტკიცდა.

შეხვედრის დასრულების შემდეგ საქართველოს რეგიონული განვითარებისა და ინფრასტრუქტურის მინისტრი დავით ნარმანია, მინისტრის მოადგილე გიორგი სოლომონია და მყარი ნარჩენების მართვის კომპანიის დირექტორი გიორგი შუხოშვილი სოფელ ჭაჭარაქში ახალციხის მუნიციპალიტეტის საექსპლუატაციოდ მომზადებულ მუნიციპალური ნარჩენების ნაგავსაყრელს გახსნიან.

[მანანა სარაშვილი, ახალციხე]