ასპინძის ყოფილი მერი რუსულ სარაგბო კლუბს გაწვრთნის

ამის შესახებ რუსული სპორტული ჟურნალი rugger.info იუწყება.

„სლავა პროფესიონალური კლუბია და ნამდვილად საინტერესო გამოცდილებაა აქ მუშაობა. გუნდის პირველი ქართველი მწვრთნელი არ ვარ. ჩემამდე აქ გია ამირხანაშვილი მუშაობდა. გადავწყვიტე, რომ ბედი მეც მეცადა. რუსეთის ჩემპიონატის დონე ძალიან გაიზარდა, რაც დამატებითი სტიმული იყო აქ მუშაობის დასაწყებად. სლავას შარშანდელი სეზონის მატჩებიც ვნახე. კარგი და მებრძოლი გუნდია. ისინი კლუბის ისტორიას პატივს სცემენ. ვფიქრობ, რომ კრასნოიარსკის გუნდებს წინააღმდეგობას გავუწევთ. რუსეთის ჩემპიონატში ლოკომოტივიც გამოჩნდა, რომელსაც კარგი მწვრთნელი ჰყავს. სლავა მომავალ სეზონში ბევრისთვის დიდი სიურპრიზი იქნება“ – ციტირებს გამოცემა ლევან ცაბაძის კომენტარს.

როგორც ჟურნალი წერს, ის უკვე შეხვდა კლუბის ხელმძღვანელობას და მორაგბეებსაც გაეცნო.

ლევან ცაბაძე სარაგბო კარიერის დასრულების შემდეგ, სარაგბო კლუბ „არმიაში“ მუშაობდა. 2012-2017 წლებში კი ასპინძის მერი იყო.

წყარო: https://rugger.info/news/36454

[sknews.ge]